Көктемгі көгалдандыру.

Наурыз айының 1-ші жұлдызынан бастап, көктемгі көгалдандыру, көгеріштендіруге байланысты екі айлық жұмысы басталды. Аталған науқанға мектебімізде көгеріштендіру жұмыстары қарқынды жүзеге асырылуда. Қаражатты үнемдеу мақсатында ешқандай демеушінің көмегінсіз- ақ, көшеттерді дәнінен өсіріп, өндіру туралы бастаманы аудан әкімі М. Азатұлы аудандық жиында көтерген еді. Осы игілікті істі мектеп ұжымы болып қолға алып, 2016 жылдың күзінде мектеп алдындағы 25 жылдық шыршалардың дәні мектеп алдында арнайы орынға себілген еді. Дәнен шыққан көшеттер екі жылда көшеттеуге даяр болды. Қазіргі таңда мектеп ауласынан  бос жер оқушылардың тәжірибе алаңы етіп арнайы қолданысқа беріліп, дәнне шыққан 300 көшеттің 200 түп шырша көшеті айналдыра отырғызылды. 200 түп раушан гүлі отырғызылып,100 түп питуния гүлі отырғызылады деп жоспарланып отыр. Алдағы уақытта арнайы қоршалған оқушылардың тәжірибе алаңы көрікті гүлзарлар алаңына айналары сөзсіз.