“Стандарт жобасындағы өзгерістер мен толықтырулар” жобасы талқыланды.

2024 ж  2 желтоқсанда  Мақсұт Жылысбаев атындағы №14 ЖОББМ. бастауыш сынып ұстаздарымен “Стандарт жобасындағы өзгерістер мен толықтырулар” жобасы талқыланды.

   ҚР Оқу-ағарту министрлігі бастауыш/негізгі орта білім берудің мемлекеттік жалпыға міндетті стандартының (бұдан әрі - МЖМБС) жобасын әзірледі. Мақсаты - бастауыш және орта білім беру сапасын арттыру, негізгі ережелерді өзектендіру.

   МЖМБС жобасы екі жыл бойы педагогикалық және сараптамалық қоғамдастықтардың, ата-аналар қауымдастығы мен үкіметтік емес ұйымдардың өкілдерімен, депутаттармен талқылана отырып әзірленді. МЖМБС апробациясы 2025-2026 оқу жылында басталып, толық іске асыру 2026-2027 жылға жоспарланған.

  МЖМБС жобасында оқытудағы құндылыққа бағдарланған тәсілге баса мән берілген. Білім берудің инклюзивті тәсілін арттыруға және МЖМБС тиімділігін бағалауға бағытталған бірден бірнеше норма енгізілді. Сонымен қатар «Әлеуметтік GPA» жаңа ұғымы да қосылды. Жаңа МЖМБС жобасында пәндер және сағаттар саны сақталады.

  Жаңа стандарттың жүзеге асуына мониторинг жүргізу, қаржылық, құқықтық сауаттылық, STEAM технологиясын қолдану, пән салаларының мазмұнын нығайту бойынша ақпараттық түсіндірме жұмыстары жүргізілді.

   Білім беру стандарттарын өзектендіру – білім беру саласындағы заманауи үрдістерді, цифрландырудың, жасанды интеллекттің қарқынды дамуын ескеруге мүмкіндік беретін жалпы қабылданған әлемдік тәжірибе.

Жиында стандарт жобасындағы өзгерістер мен толықтырулар түсіндірілді.