8-11 сынып білім алушыларымен Меркі АПБ ЖПҚб ЮПТ УПИ полиция аға лейтенанты А.Маңызқызымен «Есірткінің зияны» атты кездесу өтті.

Мақсұт Жылысбаев атындағы №14 жалпы орта білім беретін мектебінде кәмелетке толмаған жасөспірімдердің  психологиялық денсаулығын нығайтуға бағытталған нашақорлық және мінез-құлық ауруларының алдын алу бойынша 2025 жылдың 1-30 сәуір аралығында көктемгі  айлық ұйымдастырылуда. Айлық барысында 4 сәуір  күні  мектептің 8-11 сынып білім алушыларымен Меркі АПБ ЖПҚб ЮПТ УПИ полиция аға лейтенанты А.Маңызқызымен  «Есірткінің зияны» атты  кездесу өтті. Кездесу барысында мектеп инспекторы А.Маңызқызы нашақорлық бүгінгі таңда адамзатты алаңдататын, әлемдік деңгейге көшкен проблемалардың бірі. Құқық қорғау органдарының нашақорлық дертін алдын алуға бағытталған шараларына қарамастан, бұл дертке ұшыраған адамдардың, сондай-ақ есірткіге байланысты қылмыстардың саны жылдан жылға өсіп келеді. Біреулер есірткі таратып, байлыққа кенеліп, белшесінен батып жүр, ал қаншама отбасы бұдан бақытсыздыққа ұшырап, қаншама жан өлім құшуда. Ел ішінде нашақорлар саны жыл сайын артуда, Есірткіні жиі қолданатын адамдарда уақыт өте тәуелділік пайда болады деп есірткінің зияны туралы мәлімет беріп, түсіндірме жұмысын жүргізді.