«1маусым-Халықаралық балалар қорғау күніне орай» «Бақытты бала-бақытты ел» атты акция аясында «Балдәурен-2021» сауықтыру лагерінің ашылуы

        «1маусым-Халықаралық балалар қорғау күніне» орай «Бақытты бала-бақытты ел» атты акция аясында «Балдәурен-2021» сауықтыру лагері «Менің елім-Қазақстан» тақырыбындағы салтанатты жиынмен өткізілді. Салтанатты жиынды мектеп директорының тәрбие ісі жөніндегі орынбасары М. Садбақасов ашып, ардагер ұстаз Ж.Әбішеваға сөз берілді. Ардагер ұстаз жас жеткіншектерді «1маусым-Халықаралық балалар қорғау күні» мерекесімен құттықтап, білім алушыларға жақсы тілектерін арнады. Оқушылар «Балалық шақ!», «Отан», «Туған жер», «Тәуелсіздік», «Ана» тақырыптарындағы өлең шумақтарын оқыды. Балалармен қызықты ойындар өткізіліп, жеңімпаздарға сыйлықтар тарту етілді. Балалар ән шырқап, «Көңілді жаз» мерекелік концерті өткізілді. Концерт соңынан «Әлем балалар көзімен» тақырыбында тәрбиеші С.Шатаеваның оқушылары асфальтқа көркем сурет салу шарасын жүргізді.