«Баланың бас ұстазы – ата - ана» тақырыбында сабақ өткізілді.

Мақсұт Жылысбаев атындағы №14 жалпы орта білім беретін мектебінде 2023 жылдың 17 қазан күні  мектеп директоры Муратова Гульжамал Алметовнаның ұйымдастыруымен «Ата – аналарды педагогикалық қолдау орталығының қызметін білім беру ұйымының қажеттілігі негізінде жоспарлау» негізінде ата – аналарды қолдау орталығына арналған 5-9 сынып ата-аналарымен  «Баланың бас ұстазы – ата - ана» тақырыбында сабақ өткізілді.

 Сабақтың мазмұны: балаларды оқыту және тәрбиелеу мәселесі бойынша мектептің ата – аналармен қарым  - қатынасын күшейту, сондай – ақ берекелі отбасы мәдениетін дамыту. «Бүгінгі мектеп партасындағы оқушы – ертеңгі ел болашағы» - деп Президент айтқандай, бүгінгі таңда жас ұрпақ тәрбиесіне айрықша назар аударылуда.Бүгінгі күні ұрпақ тәрбиесі үшін мектеп, ата-ана және қоғамның алар орны зор. «Балапан ұяда не көрсе, ұшқанда соны іледі» деген халқымыздың ұлағатты сөзіне құлақ түрсек, жасөспірімнің тұлға ретінде қалыптасуы ең біріншіден ата-анаға байланысты болады. Сондықтан, бала тәрбиесі жайында сөз еткенде, бар жауапкершілік алдымен ата-анаға жүктелетіні шындық. Ата-ана – бала тәрбиесіндегі негізгі тұлға. ҚР-ның «Білім туралы» Заңында: «Ата-аналар-алғашқы педагогтар» деп жазылған.  Олар баланың мінез-құлқына, жан дүниесіне терең үңіліп, отбасындағы бірлік пен тыныштықты сақтаулары қажет. Әр бала дүниеге келген сәтінен бастап, ес біліп, ер жеткенге дейін ата-анасынан үлгі алады. Олардан жақсы мен жамандықты, мейірімділік пен қатыгездікті үйренеді. Алайда, бала тәрбиесіне мектеп пен мұғалім де аса жауапкершілікпен қарауы тиіс. Ең бастысы, ата-аналар білім беру мекемелерімен тығыз қарым-қатынаста болуы шарт. Мектептерде екі жақтың бірігуімен балалар тәрбиесіне бағытталған шаралар көптеп ұйымдастырылғаны жөн.