1 наурыз – Дүниежүзілік Азаматтық қорғаныс күніне орай іс-шаралар және сейсможаттығулар.

 Мақсұт Жылысбаев атындағы №14 жалпы орта білім беретін мектебінде 2023 жылдың 28 ақпан күні 1 наурыз – Дүниежүзілік Азаматтық қорғаныс күніне орай іс-шаралар және сейсможаттығулар өткізілді. Дәліздегі теледидар арқылы мектеп ұжымына және барлық сыныптарға азаматтық қорғаныс туралы бейнероликтер көрсетіліп тұрды. 1-11 сыныптарда «Азаматтық қорғаныс саласындағы нормативтік актілер ережесі» тақырыбында интерактивті сабақтар өткізілді. «Баршаның назарына! құлақтандыру сигналы бойынша іс-қимылдар тәртібі» тақырыбында сынып сағаттары өткізілді. 5-7 сыныптарда «Азаматтық қорғаныс» тақырыбында суреттер, плакаттар байқауы өтті. Қазақ тілі мен әдебиеті пәні мұғалімдерінің ұйымдастыруымен  8-10 сыныптарда «Мен азаматтық қорғаныс туралы не білемін?», «Азаматтық қорғаныс не үшін керек?» тақырыптарында шығармалар байқауы өткізілді. Мектеп медбикесі Ф.Казимованың қатысуымен 10-11 сыныптар аралығында «Алғашқы медициналық көмек көрсете білеміз бе?» тақырыбымен кездесу ұйымдастырылды.                                                                                                              

 Алғашқы әскери және технологиялық дайындық пәні мұғалім-ұйымдастырушысы С.Мамытовтың бақылауымен  6-7 сыныптар арасында командалық «Газқағарларды кию, зардап шеккендерге алғашқы медициналық көмек» тақырыбында спорттық-эстафеталық жарыстар өткізілді.