"Ғасыр ақыны- Мұқағали" тақырыбында 5-11 сынып оқушыларымен әдеби-сазды кеші.

2023 жылдың 9 ақпанында Мақсұт Жылысбаев атындағы №14 жалпы орта білім беретін мектебінде "Барлығы да,Поэзия, сен үшін,"- деп әдебиет патшалығының ғажайып ханзадасы һәм бірегей сардары ретінде салтанат құрған Мұқағали Сүлейменұлы Мақатаевтың өмірі мен шығармашылығына арналған "Ғасыр ақыны- Мұқағали" тақырыбында 5-11 сынып оқушыларымен әдеби-сазды кеш өткізілді. 
     Кештің мақсаты: М.Мақатаевтың өмірі мен шығармашылық мұрасын насихаттау. Ақиық ақын М.Мақатаевтың поэзиясының халыққа кең таралуының мәні және оның өміршеңдігінің сыры неде екенін таныту.
        "Өмірге шуақ төккен өлеңменен" атты кітап көрмесі ұйымдастырылып, М.Мақатаевтың шығармашылығына арналған бейне-ролик,слайдтар көрсетіліп,өмірге іңкәр сыршыл да сезімтал ақын туралы сыр шертілді. Сонымен қатар кеш барысында білім алушылар ақынның өлеңдерін жатқа оқып,ақынның сөзіне жазылған "Есіңе мені алғайсың", "Айтатын саған сырым бұл", "Сәби болғым келеді",т.б. әндерін орындап, көрермен қауымды тәнті етті.