Ұстаздар мерекесіне арналған «Ұстаз аты биік, әрі мәңгілік» апталығы

Мектептегі қалыптасқан дәстүр бойынша 2019 жылғы ұстаздар мерекесін ұйымдастыру 11-сынып оқушылары мен сынып жетекшілеріне жүктелді. Сол күні таңертең ерте мектеп түлектері қызыл кілеммен, әуенді музыкамен ұстаздарын қарсы алды.




Ұстаз еңбегінің қадірін білу және ұстаздарына мерекелік көңіл күй, демалыс сыйлау мақсатында 5-11 сыныптар аралығанда «Өзін-өзі басқару» күні ұйымдастырылды. 8-11 сынып оқушылары пән мұғалімдерінің орнына сабақтар берді. Соңынан жиналыс жасалып, «Өзін-өзі басқару» күнінің қорытындысы шығарылды.




Сабақтар соңынан барлық педагогикалық ұжым, арнай 11-сыныптардың шақыруымен өткізілген «Ұстаз аты биік, әрі мәңгілік» тақырыбындағы мерекелік концертті тамашалады.