Ата-аналарға

 Бірінші мәселе бойынша әлеуметтік педагог Ш. Айтенова сөз алды.  

 - Қамқоршылық кеңес қызметінің Қазақстан  Республикасының білім және ғылым министірінің 2007 жылғы 22 қазандағы № 501 бұйрығына сәйкес қыркүйек айында мектепте қамқорлық кеңесі құрылды. Қамқорлық кеңесі бес (5) адамнан құрылып, мектеп директорының №124 бұйрығымен бекітілді.

Төрағасы: Мамытов Н. Жаңа тоған ауылдық округінің маманы

Орынбасары: Абишева Б. мектеп мұғалімі

Мүшесі: Бакиртова Л. ата-аналар комитетінің төрайымы

Мүшесі: Сарсекулова А. мектеп мұғалімі

Хатшы: Айтенова Ш. әлеуметтік педагог

Оқу жылының басында  әлеуметтік  жағдайы төмен көп балалы отбасынан шыққан  оқушыларды анықтау мақсатында  жаңатоған  ауылдық  оқругі  мамандарымен бірлесе отырып мектеп әкімшілігі, сынып жетекшілер және әлеуметтік педагог тарапынан материалдық тұрмыс жағдайлары  зерттеліп  акт толтырылды. Қыркүйек айында оқушыларды педагогикалық кеңестің шешімімен тамақтандыру бойынша бұйрық шығарылып, жылдық жоспар жасалынып, бекітілді. Әлеуметтік жағдайы төмен 3 отбасынан 9 оқушы анықталып,санатына қарай құжаттары жинақталып  стандарт бойынша «Жалпыға бірдей міндетті оқу қорынан» бір мезгіл тегін ыстық тамақпен қамтамасыз етілді. Бірінші тамыз бен отызыншы қыркүйек (1.08.16ж.-30.09.16ж.) аралығында мектебімізде жыл сайынғы дәстүрлі түрде өтетін республикалық мектепке жол акциясы «Бақытты балалық шақ!» атты ұранымен өтті. Осыған орай біздің №14 М. Жылысбаев атындағы орта мектеп ұжымы, ауылдың қайырымды азаматтары, жүрегі ізгі, көңілі мейірімді жандар да осы шараға бір кісідей ат салысты. Акция жоспары жасалынып жоспар бойынша түрлі іс шаралар атқарылды. Көмекке мұқтаж балалардың тізімі жасалынып, олардың отбасылық жағдайлары анықталды. Сынып жетекшілері мен мектебіміздің әлеуметтік  педагогы тізім бойынша аз қамтамасыз етілген  оқушылардың үйлерін аралап, балалардың мектепке даярлығы туралы ата-анасымен жекелей әңгіме жүргізді. Аз қамтамасыз етілген отбасы балаларына көмек көрсету мақсатында ЖШҚ (жеке шаруа қожалық)  басшыларына және жеке кәсіпкерлерге үндеу  хаттар жіберіліп, ұсыныс жасалынды.  «Бақытты балалық шақ!» атты ұранымен мектеп мұғалімдері де акцияға белсене ат салысты. Қайырымдылық  іс- шараға байланысты ЖШҚ басшылары мен кәсіпкерлерге жіберілген үндеу хаттар бойынша төмендегі азаматтар қол көмегін созды. Атап айтсақ: Мектеп ұжымы және Мамытов А, Өміралиев А, Қарабаев А, Казимов Ә, Ешетов С, Алжанбаев Т, Казимов И., сынды азаматтарымыз демеушілік көрсетіп, әлеуметтік тұрмыс жағдайы төмен 16 отбасындағы 17 балаға мектеп формалары, қажетті оқу құралдарын алып берді.  «Мектепке жол» акциясы барысында аз қамтамасыз етілген отбасы балаларына  көмек көрсету мақсатында   5- 11сыныптар арасында  «Күз береке  бастауы» тақырыбымен  жәрмеңке өткізіліп түскен  қаражатқа сынып жетекшілердің берген сұраныстары бойынша аз қамтамасыз етілген  отбасы балаларына мектепке қажетті оқу құралдары алынып берілді. 1қыркүйек «Білім күні» мерекесінде «1сыныпқа бірінші рет» атты ұранымен 1сынып оқушыларына сыйлықтар табыс етілді. 2016 жылы қараша айында аз қамтамасыз етілген 3 отбасынан шыққан 9 оқушының ата-аналарының есепшотына «Жалпыға бірдей білім беру» қорынан әр балаға он бес мың теңгеден қаржы бөлінді. Мектеп бойынша осы 9 оқушыға мемлекет тарапынан қаржы бөлініп, қыстық сырт киіммен және қыстық аяқ киімдермен қамтамасыз етілді.   

Жалпы бөлінген қаражаттың соммасы 135000     (жүз отыз бес мың)тенге

Жаңа жыл қарсаңында аз қамтамасыз етілген жанұядан шыққан 4-оқушы аудан әкімінің шыршасына қатысып бағалы сыйлықтар алып қайтты.

 Олар: 1. Бейсенбек Балнұр -7 «ә» сынып оқушысы

            2. Аманкелді Гүлнұр- 6 «а» сынып оқушысы

            3. Қайыпбай Жанел-5 «а» сынып оқушысы

            4. Абасов Рамиль-4 «ә»сынып оқушысы

Жалпыға бірдей міндетті оқумен қамту айлығы 10 қаңтар -10 ақпан аралығында өтті. «Қамқорлық» акциясының жоспары жасалынып, ауылдық кәсіпкерлерімен  ЖШҚ басшыларына  және ауылдық дүкен иелеріне үндеу хаттар жіберілді. Акция барысында 5-11 сыныптар арасында  «Жүрек жылуы» тақырыбында жәрмеңке өткізілді. Демеушілік көрсеткен меценаттарға деректер банкісі құрылып, Мамытов А. Казимов И., Алжанбаев Т. және мектеп ұжымы аз қамтамасыз етілген жанұядан шыққан  12 балаға қажетті оқу құралдары мен  соның ішінен 3 балаға аяқ киім             2қыстық етік және 1спорт аяқ киімі (красовка) алынып берілді. Мектеп бойынша барлығы  12 оқушыға материалдық көмек көрсетілді -деп айтып өтті. 

- Екінші мәселе бойынша директордың оқу тәрбие ісі жөніндегі орынбасары   Ә. Аманбаева сөз алды.

- 2011-2020 жылдарға арналған Қазақстан Республикасының білімді дамыту бағдарламасын іске асыру және Елбасының айқындап берген 100 нақты қадамының 76 мен 89 қадамын орындау мақсатында биылғы жылы еліміз бойынша 30 пилоттық мектепте бастауыш білім берудің Мемлекеттік жалпыға міндетті стандарты ресми сынаудан өткізу үстінде. «Назарбаев Зияткерлік мектептері» ДББҰ Педагогикалық шеберлік орталығы әзірлеген Қазақстан Республикасында орта білім мазмұнын жаңарту аясында мұғалімдердің біліктілігін арттыру бағдарламасы бойынша біздің №14 орта  мектебінің 6 бастауыш сынып мұғалімі және 5 пән мұғалімдері  курстан өтті.1 сынып оқушылары жобаға сәйкес 5 күндік оқу кестесі бойынша білім алуда. «Жаңартылған білім мазмұны арнайы кестеге сәйкес кезең-кезеңмен енгізіледі: 2016 жылы - 1сынып,  2017 жылы - 2,5,7 сыныптар, 2018 жылы - 3,6,8,10 сыныптар, 2019 жылы - 4,9,11,12 сыныптар. 2020 жылға қарай 12 жылдық құрылыммен жаңартылған білім мазмұнына көшу барлық сыныптарда аяқталады» 

Қазақстан Республикасы Білім және ғылым министірлігінің 2016 жылғы 16 қарашадағы №660 бұйрығымен бекітілген «Білім алушылардың үлгеріміне ағымдық бақылау,аралық және қорытынды аттестаттау өткізудің үлгілік ережелеріне» сәйкес мектепте №64 бұйрық шығарылып, 5-8,10 сыныптарға сыныптан – сыныпқа көшіру емтихандарының кестесі, 9 сыныптар үшін негізгі мектепті бітіру емтихандарының кестесі,11 сыныптар үшін орта мектепті бітіру емтихандарының кестелері жасалынып,қосымша сабақ кестелері ілініп, барлық сыныптарда ата- аналар жиналыстары өткізіліп,оқы жылының аяқталуына байланысты түсіндірме жұмыстары жүргізіліп, хаттамалары жазылған. Жаңа форматтағы ҰБТ –ді өткізу екі кезеңде жүргізіледі. Бірінші кезеңде 11 сыныптың білім алушылары мектепте қорытынды аттестаттаудан өтеді. 11 сынып бес емтихан түрінде қорытынды аттестаттау тапсырады, олардың біреуі таңдау бойынша. 11 сыныпты бітіретін оқушылар саны-24. ҰБТ-ге баратын оқушылар саны-14.

Маусымның 20 мен 1 шілде аралығында мектеп бітірушілер «Ұлттық  тестілеу орталығы» әзірлеген тест тапсырмаларын тапсыруға қатысады. ҰБТ – да мектеп бітірушілер 3 негізгі 2 таңдау пән бойынша тест тапсырады. Ол пәндер: оқу сауаттылығы - 20 сұрақ, математикалық сауаттылық- 20 сұрақ, қазақстан тарихынан ауызша билеттер -30 сұрақ,таңдау пәндері – 30 сұрақтан,оның 20 бір жауапты,10 екі немесе бірнеше жауапты болып келеді. Тестілеуге әр пән бойынша 80 минут беріледі.Тестілеу қорытындысы бойынша әр оқушының өтпелі балы 50 балл болуы керек. Білім алушыларды қорытынды аттестатау нәтижелері ағымдағы жылы тамыз айында оқу жылының жұмыс қорытындылары бойынша педагогикалық кеңесте талқыланып, оқу - тәрбие жұмысының сапасын жақсарту бойынша нақты шаралар қабылдайды-деп айтып өтті.

 -Үшінші мәселе бойынша директордың тәрбие ісі жөніндегі орынбасары   М. Садбақасов сөз алды.